SÁMI DUTKANSEARVVI Webinárat 20/10 ja 23/10

Goas/When/Milloin: vahkkus 43, 20/10 ja 23/10

Áigi/Time/Aika: d. 18-21 Suomas/ 17-20 CET

Gos/Where/Missä: Zoom-lanjas neahtas

Sámi dutkansearvi illuda go beassá almmuhit vuosttaš Webináraid searvvi namas. Vahkkus 43 min searvvi lahttut, sámedutkit ja dutkit Sámis čoahkkanit neahtas guldalit ovdaságaid áigeguovdilis álgoálbmot- ja sámedutkamuša birra ja dakkár dutkamuša birra mii dahkko Sámis. Sáhkavuoruid/ovdaságaid giellan lea sámegiella dahje eaŋgalasgiella. Dárkkit prográmma don gávnnat dás vuolde. Eará áigeguovdilis fáttát almmuhuvvojit Dutkansearvvi ruoktosiiddus čujuhusas http://dutkansearvi.fi/ovdasiidu/

Webinárii searvan lea nuvttá ja sáhtát guldaleaddjin beare čuovvulit muhtin liŋkka maŋimuš siiddus mii heive du rusttegiidda buot buoremusat. Juos don háliidat searvat jearranboddui ja ságastallamiidda de fertet registreret iežat ovddalgihtii Webinára jođiheaddjái Hanna-Máret Outakoskii. Prográmma čuovvovaš siiddus.  

Saamenkielen ja –kulttuurin tutkimusseura

Järjestää syksyllä 2020 sarjan nettiluentoja avoimen webinaarin muodossa. Ensimmäiset kaksi webinaaria järjestetään viikolla 43 (20/10 ja 23/10) iltaisin kl. 18-21(suomen aikaan)/17-20 CET. Alustana on Zoom. Osallistuminen kuulijana on ilmaista, mutta kuulijat eivät voi osallistua loppukeskusteluun ilman rekisteröitymistä webinaariin. Lisätietoja Zoomista ja rekisteröitymisestä seuraavalla sivulla. Tarkempi ohjelma tässä alla. Yhden illan ohjelmassa on 1-2 esitelmää ajankohtaisista alkuperäiskansan-, saamen- ja saamelaistutkimuksen aiheista, sekä esitelmiä seuraavat kysymystuokiot.

Sámi research association

Arranges a series of lectures or open webinars in the Autumn 2020. The first two webinars can be followed during the week 43 (20/10 and 23/10) in the evenings 18-21 CET.  Presentations are in Sámi languages/English. The meeting platform we use is Zoom. You can participate for free, but in order to take part in the following discussion, you need to register as a presenter. More information about Zoom and the registration can be found below. A detailed program for the webinars is also here below. Each of the evenings, there will be 1-2 presentations on current research topics within followed by a short discussion and time for questions.

Dutkansearvvi vuosttaš guovtti webinára prográmma/Program/Ohjelma

Maŋŋebárga/Tiistai 20/10:

17.00 CET/18.00 in Finland:  Professor Pirjo Kristiina Virtanen, Helssega universitehta: Indigenous Studies at the University of Helsinki and collaboration with Amazonian Indigenous peoples. Relational epistemologies in a local context – ovdasáhka lea eaŋgalasgillii/in English

15 minuhta boddu/minute break

18.15 CET/19.15 in Finland: PhD. Hanna-Máret Outakoski, Ubmi ja Romssa universitehtat: Eamiálbmot čálamáhttu ja čállindidaktihkka sámeskuvllaide: ovdamearkkat, vejolašvuođat ja hástalusat [Developing Indigenous literacy and writing didactics in Sámi schools: examples, possibilities and challenges] – ovdasáhka lea davvisámegillii/in North Sámi

19.15-20 CET/20.15-21 Finnish time: possibility to join the following discussion

Bearjadat/Friday 23/10:

17.00 CET/18.00 in Finland:  University researcher Laura Siragusa, Helssega universitehta, Suopma: In one blow: questioning the language and materiality dualism – ovdasáhka lea eaŋgalasgillii/in English

15 minuhta boddu/minute break

18.15 CET/19.15 in Finland: Marja-Liisa Olthuis, Oulu universitehta: Anarâškielâ kielâiäláskittem digiääigist: kielâteknologia tiädutteijee tutkâmhaahâ – ovdasáhka lea anárašgillii/ in Enare Sámi

19.15-20 CET/20.15-21 Finnish time: possibility to join the following discussion

Dieđut Zoom ja registrerema birra/ Information about the Zoom-meeting and pre-registration in case you want to participate in the following discussions/ Lisätietoja Zoomista ja alustavasta rekisteröinnistä, jos haluat osallistua esityksiä seuraavaan kyselytuokioon

Hanna Outakoski is inviting you to a scheduled Zoom meeting.

Topic: Sámi Dutkansearvvi Webinárat

Times:

        Oct 20, 2020 05:00 PM CET (18.00 Finnish time)

        Oct 23, 2020 05:00 PM CET (18.00 Finnish time)

Join Zoom Meeting

https://umu.zoom.us/j/64021034397?pwd=TmdyWlN0Vkg2TTd0bUJNcjROU0VrZz09

Meeting ID: 640 2103 4397 Passcode: DS2020

Join by Skype for Business:

https://umu.zoom.us/skype/64021034397

Register for discussion at hanna.outakoski@umu.sethis only in case you want to participate in the discussion after the presentations. 

Bistevaš čállinbovdehus Dutkansearvvi áigečállagii ja bloggii

Sámegiela ja -kultuvrra dutkansearvi bovde čálliid fállat dieđalaš artihkkaliid searvvi áigečállagii ja bloggii. Jotkkolaš ja bistevaš bovdehus guoská dál máŋggaid sierra fáttáid ja dutkansurggiid artihkkaliid ja bloggaid. Dieđalaš artihkkaliid mii čohkket oktii ođđa nummirin fáttáid mielde nu jođánit go ođđa artihkkalat válbmanit. Vejolaš dutkanfáttát leat:

  • Eamiálbmotdutkamuš – Alkuperäiskansantutkimus – Indigenous research
  • Gielladieđa – Kielitiede – Linguistics
  • Sosiolingvistihkka ja giellakontávttat – Sosiolingvistiikka ja kielikontaktit – Sociolinguistics and language contacts
  • Oahpahus – Opetus – Teaching (Huomaa, että tähän teemanumeroon etsitään artikkeleita juuri nyt!)
  • Eamiálbmotetihkka – Alkuperäiskansojen etiikka – Indigenous ethics
  • Sámegielaid ealáskahttin – Saamenkielten revitalisaatio – Revitalization of Sámi languages
  • Sámi giellahistorjá – Saamen kielihistoria – Sámi language history

Dáid fáttáid lassin sáhtát maiddái evttohit ođđa fáttáid ja fáddánummáriid. Fáddán sáhttet leat máŋggat áššit mat gusket sámegielaid, sámiid eallima, kultuvrra, historjjá dahje eará fáttáid mat gullet oktii sámeservodagain.

Rávvagiid, mat veahkehit du hábmet dieđalaš artihkkala, don gávnnat dáppe searvvi siidduin. Du artihkal sáddejuvvo maiddái fágaguoibmaárvvoštallamii. Fuomáš ahte mii leat ohcamin artihkkaliid mat gieđahallet ja guorahallet oahpahusa Sámis juste dál. Sierranas čállinbovdehus dien fáddánummárii gávdno áigeguovdilis áššiid siiddus.

Dieđalaš artihkkaliid lassin mii bovdet olbmuid čállit bloggaid sámegillii. Bloggačállosa olgguldas hápmi lea friddjat go dieđalaš artihkkalis. Mii eat maiddái bija seammá gáibádusaid bloggačállosiidda go dieđalaš artihkkaliidda ja dat eai omd. sáddejuvvo fágaguoibmeárvvoštallamii. Go čálát blogga sáhtát hui mielas geavahit govvamateriála masa dus leat rievttit. Juste dál mii leat ohcamin bloggaid, mat čalmmustahttet, guorahallet ja govvidit oahpahusa geavadiid Sámis.

Dearvvuođaiguin/ Sámi giela ja kultuvrra dutkansearvvi áigečállaga doaimmahusgoddi

Oahpahus Sámis – Čállinbovdehus

Čállinbovdehus  – OAHPAHUS, DIDAKTIHKKA JA PEDAGOGIHKKA SÁMIS

Sámi giela kultuvrra dutkansearvvis http://dutkansearvi.fi/ovdasiidu/ lea iežas dieđalaš áigečála ja mun, Hanna Outakoski, lean dál ohcamin čálliid dieđalaš fáddánummárii mas vuodjut didákttalaš geavadiidda, málliide, bargovugiide ja eará fáttáide mat gusket oahpaheaddji didákttalaš árgabeaivvi, oahpahusa ja pedagogihka. Jurddan lea čohkket čállosiid álo go dat válbmanit ja lasihit daid ovtta fáddánummára sisa. Dat mearkkaša ahte sáhtát goas beare fállat du artihkkala dán nummárii. Mun lean dien nummira doaimmaheaddji ja doaivvun ahte mii sáhttit ovttas buvttadit áigečállaga jotkkolaš nummára, mas juste didákttalaš fáttát leat guovddážis. Dieđalaš artihkkaliid várás mis lea fágaguoibmeárvvoštallan. Seammás háliidan maiddái fállat vejolašvuođa olbmuide čállit bloggačállosiid iežaset vásáhusaid ja oahpahusa birra. Bloggačálus lea friddjat vuohki čállit oahpahusa, pedagogihka dahje didaktihka birra – bloggačállosiin ii leat fágaguoibmeárvvoštallan.

Didaktihkka gullá nannosit oktii pedagogihkain, mii lea oahpahusa vuođđooaidnu dahje perspektiiva. Ii leat čielggas ahte daid doahpagiid berrešii oba sirretge nu dárkilit. Dattege leat dehálaš ahte sámegiela ja kultuvrra oahpahusa didákttalaš geavadat ja bargomállet ožžot fuomášumi ain juo min iežamet servvodagas. Sámemánát, nuorat ja ollesolbmot ohppet giela ja kultuvrii gullevaš sisdoalu máŋgga vuogi mielde Sámis ja dál lea boahtán áigi álgit guorahallat, analyseret ja čalmmustahttit iešguđegelágán oahpahusa, dan geavadiid ja málliid. Mii leat maiddái eamiálbmotoahpahusa diskurssas ja lea erenoamážit miellagiddevaš beassat čalmmustahttit dakkár oahpahusa mii vuolgá sámeperspektiivvas ja lea dan dihte eamiálbmotpedagogihkka. Dieđušge earáge oahpahusvuogit, mállet ja geavadat leat miellagiddevaččat ja leat goittotge vel dán rádjái leamašan bivnnuhat omd. dábálaš skuvlaoahpahusas.

Dán erenoamáš nummárii háliidivččen čohkket dieđalaš artihkkaliid mat čalmmustahttet juste didákttalaš perspektiivvaid giela ja kultuvrra oahpahusas Sámis ja sámemánáid várás. Dasa lassin dutkansearvi bovde olbmuid čállit bloggaid iežaset oahpahusa birra, oahppovásáhusaid ja eará oahpahussii ja skuvlii gullevaš fáttáin. Sáhtášit jurddašit omd. čuovvovaš fáttáid iežat perspektiivvas:

  • giellaoahpahusa mállet/geavadat
  • kulturoahpahusa mállet/geavadat
  • dáhpáhusdutkamušat skuvllas (omd. giellalávgun dahje gáiddusoahpahus)
  • oahpaheddjiid vásihusat
  • ohppiid vásihusat
  • buorit bargovuogit ja heajos bargovuogit
  • ođđa mállet
  • eamiálbmotdidaktihkka sámeskuvllas/ sámedidaktihkka eanetloguskuvllas
  • dahje eará áigeguovdilis didákttalaš fáttát.

Sádde abstrávtta ja oaččut dieđu dohkkeheamis moadde vahkku siste (geasseluomu áigge in sádde máhcahaga čálliide). Abstrávtta oaččut čállit man beare sámegillii, suomagillii, ruoŧagillii, dárogillii dahje eaŋgalsgillii ja guhkkodat lea 100-150 sáni. Go leat ožžon dieđu dohkkeheamis sáhtát válbmet loahpalaš artihkkala dahje blogga jođáneamos vuogi mielde. Searvvi ruovttosiiddus leat eanet dieđut artihkkala formála beliin. Blogga sáhttá leat olu friddjat hámis ja sisttisdoallat govaid. Dán háve mii vuoruhit sámegielat artihkkaliid dan dihte go nu unnán lea čállon juste didaktihkka birra Sámis – dus lea goittotge vejolašvuohta čállit maiddái eará gillii juos it bastte čállit sámegillii. Don ieš fuolahat giellabassamis, muhto dieđušge doaimmahusgoddi vel divusta teavstta loahpas ovdalgo lea áigi almmustahttit nummára. Loahpalaš artihkal sáddejuvvo vel fágaguoibmeárvvoštallamii ovdalgo dat almmustuvvo. Bloggat almmustuvvet dađistaga go leat dahkan gielladárkkisteami. Vuolgge donge mielde čállit!

Sádde abstrávtta čujuhussii hanna.outakoski@umu.se ja bija badječálusin Dutkansearvi. Ale vajáldahte du oktavuođadieđuid.

Dutkansearvvi dieđalaš áigečállaga nuppi nummira (2/2018) áigedávval

Dutkansearvvi dieđalaš áigečállaga nuppi nummira (2/2018) áigedávval:

 

Abstrávttaid ja vuosttas čállosiid sisasádden:

20.3. – 30.5.18 gaskkas.

Deavsttat čađahit fágaguoibmeárvvoštallama:

1.6.-15.9.18 

Kommeanttat čálliide 16.9.

 Divvun 15.10. rádjái.

 Doaimmahusa bargu skábmamánus 2018.

 Almmuheapmi juovlamánus.

Bures boahtin čállin!

Dutkansearvi váldá vuostá abstrávttaid dieđalaš áigečállagii

Dutkansearvvi dieđalaš áigečála – Eamiálbmogat ealáskahttimin iežaset gielaid

Tutkâmseervi tieđâlâš äigičaalâ – Algâalmugeh iäláskitmin jieijâs kielâid

Sääʹmǩiõl da -kulttuur tuʹtǩǩeemsieʹbr tiõđlaž äiʹǧǧpââʹjjlõstt – Alggmeer jeällteʹmen jiijjâz ǩiõl

Sámegiela ja kultuvrra dutkansearvvi dieđalaš áigečála váldá vuostá abstrávttaid 30.4.2017 rádjái dan vuosttaš nummárii, mii almmustuvvá juovlamánus 2017. Nummára earenoamaš teman lea anárašgiela dutkan ja revitaliseren. Maiddái eará sámegielaid dutkamii ja revitaliseremii laktaseaddji čállosat vurdojuvvojit.

Abstrávtta guhkkodat lea sullii 100 – 120 sáni. Abstrávttas muitaluvvojit dutkanfáddá, dutkamuša relevántavuohta, metodat ja vejolaččat maiddái bohtosat. Čále abstráktii maiddái iežat nama ja rávdnjeboastačujuhusa. Doaimmat iežat abstrávtta searvvi siiddu liŋkka bokte:

http://dutkansearvi.fi/tieteellinen-julkaisu/verkkolehti/laheta-tiedosto/.

Oaččut dieđu lihkostuvvan sáddemis. Juos sáddemis leat váttisvuođat, váldde oktavuođa njunušdoaimmaheaddji Marja-Liisa Olthuisii: marja-liisa.olthuis [at] oulu.fi.

Abstrávtta dohkkeheamis oaččut dieđu maŋimustá 15.5.2017. Dohkkehuvvon abstrávttas čállojuvvo artihkkal, man deadline lea 15.8.2017. Artihkkala čállinrávvagat:

http://dutkansearvi.fi/tieteellinen-julkaisu/verkkolehti/kirjoittajille/.

Giitu oassálastimis!

Jahkečoahkkin dollo 25.4.2017 d. 18- UH Meahccedálus A-bealde, 4 dásis.

Seuran vuosikokouksessa käsitellään seuraavat asiat:

  1. Kokouksen avaus
  2. Valitaan kokouksen puheenjohtaja, sihteeri, kaksi (2) pöytäkirjantarkastajaa ja kaksi (2) ääntenlaskijaa.
  3. Todetaan kokouksen laillisuus ja päätösvaltaisuus.
  4. Hyväksytään kokouksen työjärjestys.
  5. Esitetään tilinpäätös, vuosikertomus ja toiminnantarkastajien lausunto.
  6. Päätetään tilinpäätöksen vahvistamisesta ja vastuuvapauden myöntämisestä hallitukselle ja muille tilivelvollisille.
  7. Vahvistetaan toimintasuunnitelma, tulo- ja menoarvio sekä jäsenmaksun suuruus.
  8. Valitaan hallituksen puheenjohtaja ja muut jäsenet.
  9. Valitaan kaksi (2) toiminnantarkastajaa ja kaksi varatoiminnantarkastajaa.
  10. Käsitellään muut kokouskutsussa mainitut asiat.

Mikäli seuran jäsen haluaa saada jonkin asian seuran vuosikokouksen käsiteltäväksi, on hänen ilmoitettava siitä kirjallisesti hallitukselle niin hyvissä ajoin, että asia voidaan sisällyttää kokouskutsuun.

Helssegis 27.3.2017

Irja Seurujärvi-Kari Dutkansearvvi ságadoalli

Sámedutkama áigečála – Eamiálbmogat ealáskahttimin iežaset gielaid

Vuosttaš dieđiheapmi Dutkansearvvi dieđalas sámegielat julggáštusa Sámedutkama áigečála birra.

Dieđálas áigečállaga vuosttaš nummir almmustahtto juovlamánus 2017. Dasa ohccojit dál artihkkalat, main gieđahallojit  álgoálbmogiidda ja sin gielaide gullevaš áigeguovdilis áššit.

Dutkansearvvi ulbmilin lea julggáštusa almmuheami oktavuođas doallat seminára, mas artihkkaliid čállit ovdanbuktet iežaset dutkamušaid ja daid bohtosiid. Artihkkaliid čállingiellan leat buot Suomas geavahuvvon sámegielat.

Dárkilut dieđut addojuvvojit dáin siidduin lagamus áiggiin.