vol 3(1) – Taarna Valtonen: Báikenamat giella- ja kulturkontávttaid govvideaddjin – ovdamearkkat njealji sámegielas

Taarna Valtonen: Báikenamat giella- ja kulturkontávttaid govvideaddjin – ovdamearkkat njealji sámegielas (PDF)

Čoahkkáigeassu:
Dán artihkkalis guorahalan dan, mo lea vejolaš vuohttit kultuvrralaš ja gielalaš kontávttaid báikenamaid ráhkadusain, sátnerájuin ja nammabárain. Dutkanmateriálan leat njealji sámeservoša iešguđege gielat báikenamat. Dutkojuvvon gielat leat máttasáme-, davvisáme-, anáraš- ja nuortalašgiella. Dutkamuša vuolggasadjin lea jurdda das ahte báikenammavuogádat rievdá dalle, go luonddubiras, kultuvrralaš biras ja/dahje gielalaš biras nuppástuvvet. Dákkár teoriija mielde báikenammavuogádahkii báhcet gielalaš mearkkat nugo ovdamearkka dihte loatnasánit. Diet gielalaš mearkkat fas duođaštit eará gielaid ja kultuvrraid váikkuhusas dutkojuvvon gillii ja sáhttet seailut gielas hui guhká máŋggaid gielalaš áigodagaid čađa. Gielalaš mearkkaid analyseremiin lea vejolaš oažžut dieđuid ja ipmárdusa vássán áiggiid kultuvrraid ja gielaid oktavuođain.

Fáddásánit: báikenamat, máttasámegiella, davvisámegiella, anárašgiella, nuortalašgiella, kontáktalingvistihkka