Tutkâmseervi tieđâlâš olgosadaldâh Sámegiela já -kultuvrra dutkansearvvi dieđálaš áigečála (Sämikielâ já -kulttuur tutkâmseervi tieđâlâš äigipaječaalâ já nuorttâsämikielân Sääʹmǩiõl da -kulttuur tuʹtǩǩeemsieʹbr tiõđlaž äi´ǧǧpââ´jjlõstton) lii sämikielâlâš sämikielâ já kulttuur äigipajelostâ.
Olgosadalduvâst čálloo sämikielân já kulttuurân lohtâseijee äigikyevdilis koččâmâšâin sehe tieđettuvvoo säämi- já algâaalmugtutkâmušâst já toi puátusijn almosfiätulávt.
Tutkâmservi fáálá olgosadelem- já savâstâllâmuáli sämikielâlâš amnâstuvâi lasseetmân. Ulmen lii uážžuđ sehe totkeid já aktivistâid pyevtittiđ ain eenâb teevstâid sämikielân.
Olgosadaldâhtoimâttâskode pargon lii tuhhiittiđ amnâstuv, mii adeluvvoo olgos. Tot meid iššeed kielâtipšomist, teevstâ tooimâtmist jna. Toimâttâskodde meid tiiláá äigikyevdilijn fáádáin teevstâid. Čälleeh västideh jieijâs teevstâi tiäđuin já uáivilijn sehe sessiistâlmist. Teevstah kalgeh vuáđuduđ tutkâmtiätun tâi tain kieđâvuššojeh vorâs já äigikyevdilávt já sämikielâi tâi -kulttuur tááhust teháliih fáádáh.
Äigipaječallust lii áámmátkyeimiárvuštâllâm já JuFo-luokka 1.
ISSN 2489-7930