ČÁLLOSA GIELLA
Čállosa giellan sáhtát geavahit man beare Suoma beale sámegielain: davvisámegiela, anárašgiela dahje nuortalašgiela. Juos háliidat čállit suomagillii, dat lea vejolaš, muhto artihkkala fertet ieš jorgalahttit sámegillii.
ČÁLLI NAMMA
Čále dalan badječállosa maŋŋá čálli nama, institušuvnna / ossodaga / universitehta / ásahusa nama ja čálli e-boastačujuhusa.
ČOAHKKÁIGEASSU
Čále álgui oanehis čoahkkáigeasu, sullii 100 sáni. Atte vel 5 – 7 fáddásáni.
ALMMOLAŠ RÁVVAGAT
Čállosa guhkkodat: 30 000–50 000 mearkka (s. 3000 – 6000 sáni) oktan gaskkaiguin ja gáldolisttuin
Mearkkat/foanttat: Times New Roman
Mearkkaid/foanttaid sturrodat: 12pt
Gurgadasat: 1,5 gurgadasa gaska
GÁRVVES TEAVSTTA SÁDDEN
Teavsttaid sáhttá sáddet Word-hámis (.doc ja .docx) dahje RTF-hámis (.rtf).
Gárvves teavsttat sáddejuvvojit dán liŋkii: (Lähetä tiedosto).
FUOMÁŠ
Čállosiin eai galgga leat gielalaš meattáhusat, ja danin ávžžuhit geavahit čállindárkkistanprográmmaid.
Dutkansearvvi dieđalaš áigečála geavaha refereevuogi. Juos artihkkal dohkkehuvvo, čálli galgá váldit vuhtii refereejoavkku divvunevttohusaid.
GÁLDUID MERKEN
Mii geavahit Chicago gáldočujuhanvuogi. Dárkilis ovdamearkkaid Chicago-stiillas gávnnat Chicago Manual of Style – Citation Guide